Entroido 2011

Marcapáxinas con lema

II Concurso "Liga de Debates"

O equipo do IES TORRENTE BALLESTER, aínda que foi o único que gañou os dous debates, quedou de terceiro (por moi puquiña puntuación de diferenza) e non pasou á final.
Pero non por iso, podemos deixar de felicitar ao noso alumnado, que o fixo realmente ben.
Parabéns tamén para os equipos finalistas: Valle Inclán e Luís Seoane.

II CONCURSO "LIGA DE DEBATES"

O Concello de Pontevedra organiza por segundo ano este concurso para potenciar o uso da lingua oral en contextos formais e informais, traballar a fluidez comunicativa ligada á oratoria, incitar o pensamento crítico e analítico, fomentar a diversidade de opinión, a tolerancia fronte a diferentes cuestións e o traballo en equipo e por último dinamizar os EDLG dos centros de ensino de secundaria, que por outro lado xa traballan conxuntamente no "Ben veñas, maio".

Os rapaces tiveron que preparar argumentos a favor e en contra , dado que non saben que opción terán que defender, sobre dous temas que lles deron previamente

"Debese alongar a vida dunha persoa mentres a técnica o permita?"

"Deben os Gobernos promover os medios de comunicación en galego?"

Do noso centro foron 9 alumnos de 1º de Bacharelato, 4 alumnos (2 oradores e 2 investigadores), máis 5 alumnos de apoio e, en caso de necesidade, suplentes que xa asistiron a unha xornada de formación o 18 de decembro, agora deberán pasar a fase preliminar que será o sábado 19 de febreiro no Pazo da Cultura e logo a fase final, pois non dubidadmos de que o farán moi ben e clasificaranse, o sábado 26 de febreiro no café Moderno.

Os compoñentes do noso equipo son:

NEREA MEIS CORES

TAMARA PAZOS

DUNIA ABOUFARES

JOSÉ MANUEL DURÁN

ALBA LUGILDE

ALBA PERMUY

ESTEFANÍA PIÑÓN

CLAUDIA MÉNDEZ

MARÍA ORGE e

RAQUEL RODRÍGUEZ



MOITA SORTE rapaces !!!!!!

Alicia&Alicia, teatro

Hoxe pola mañá, cos alumnos de 2º de ESO, fomos ao Pazo da Cultura de Pontevedra a ver a representación teatral "Alicia&Alicia"

Tendo como referencia a obra de Lewis Carrol mestura unha linguaxe estética, musical, coreográfico e audiovisual.

Esta actividade é unha das numerosas propostas do 12º Salón do Libro Infantil e Xuvenil da nosa cidade que nesta edición xira ao redor do fío condutor da mentira, mentiras que desencadean historias.

Se queres coñecer a programación de actividades do Salón clica que hai un enlace directo.

Lois Pereiro. Documental

Lois Pereiro

Open publication - Free publishing - More letras

Documental sobre Lois Pereiro

I CERTAME DE NARRATIVA

Convócase O I Certame de Narrativa do IES, convocado polo EDLG e a Biblioteca Mª Victoria Moreno . Poden participar todos o alumnado matriculado no centro e NOVIDADE!: os ex-alumnos e ex-alumnas. Se estades interesados, mirade as bases. Os premios son interesantes, e ademais... o voso nome poderá aparecer nas pinturas da Biblioteca do Centro.



Animádevos!

30 de Xaneiro "Día da paz"

DECÁLOGO PARA MEDRAR NA PAZ

1. Es alguén moi importante. Quérete a ti mesmo.

2. Valora aos teus amigos. Daralles seguridade.

3. Descubre todo o que te une aos demais por riba do que te separa.

4. Respecta as opinións. Así contribuirás ao diálogo.

5. Aprende a escoitar, comprenderás mellor aos demais.

6. Esfórzate por terminar ben as túas tarefas. Gozarás co resultado.

7. Cumpre coas túas responsabilidades, os demais necesítano.

8. Traballa en grupo. Ninguén sabe máis que todos xuntos.

9. Comparte as túas cousas cos demais. Farate moi feliz.

10. Pon paz dentro de ti, desta forma estarás poñendo tamén paz ao teu redor.

XORNADAS DE TOPONIMIA

Colaboración na organización das III XORNADAS DE TOPONIMIA. “Estudo dos nomes de lugar. Aplicacións didácticas”. Dado o traballo que estamos realizando no noso instituto cos alumnos arredor da toponimia, comentamos co Concello a posibilidades de facer unhas xornadas nas que tamén pudiesen participar os alumnos/as do centro. A Concellaría de Normalización Lingüística apoiou a proposta e as xornadas estanse realizando nestes días: 17, 19, 24, 27, 29 de xaneiro, 1 e 3 de febreiro de 2011 no Pazo da Cultura, excepto o sábado 29 que se fará unha saída de campo. Achegamos o programa.

E para que serve o Galego?

View more webinars from torrentegalego.

Vía correo electrónico chegounos esta fermosa presentación que elaborou Xosé, pareceunos tan interesante que, co seu permiso, atrevémonos a difundila no noso blog para que todos poidades gozar dela. Non estades moi de acordo co que nos está a dicir?

Postais de Nadal

Os alumnos opinan

A exposición “O galego tamén noutros mundos” non pasou en balde polo IES G. TORRENTE BALLESTER. Vexamos o que aprenderon con ela Uxía Domato e Cintia Cabada de 3º de ESO.
O galego comezou como a lingua dun reino poderoso e amplo que comprendía a actual Galicia, Asturias, León e Zamora e chegaba ata Lisboa. Nesta época era coñecido como galego-portugués e era tan importante que incluso o usaban trobadores e xograres, que non pertencían a este reino, para compoñer as cantigas de amor, amigo e escarnio e maldicir.
Na actualidade a xente considera que o galego é unha lingua pouco útil e que perdeu o seu prestixio. Porén non hai nada máis lonxe da realidade, xa que co galego podes comunicarte cuns 250 millóns de persoas (Angola , Portugal, Brasil, Timor, Guiné Bissau...). Isto explícase pola historia común do galego e o portugués que, aínda que empezaron a seguir camiños por separado a partir do século XV, as semellanzas entre esas dúas linguas seguen sendo maiores cás diferenzas.
A importancia da nosa lingua tamén se manifesta en que foi elixida por escritores que non sendo da nosa terra escribiron en galego (Federico García Lorca, Mª Victoria Moreno, Úrsula Heinze, Eduardo Jorge Bosco, Anne Marce Morris, Jhon Thompson...). Falando de escritores, hoxe contamos cun grande número deles que non por usar a nosa lingua deixaron de ser recoñecidos máis alá das nosas fronteiras grazas as traducións que se fan a outras linguas. Tamén se produce a situación inversa: en galego podemos aprendelo todo, ler os clásicos, os best sellers, informarnos sobre o mundo, a ciencia , a historia...As traducións ao galego comezan a ser parte normalizada da actividade editorial e dos lectores/as.
Máis demostracións do uso do galego son a existencia de páxinas web na nosa lingua (Vieiros, Blogaliza, Galego 21.net,, Eu falo.tv,...). A publicidade e a etiquetaxe é outro eido no que se está introducindo o galego, como garantía de calidade (Sargadelos, Reizentolo, Viña do avó,...). A lingua galega vende e non é un atranco para sobresaír fóra de Galiza e chegar a ser internacionais, isto demóstrao tamén a nosa música, con premios e éxitos importantes: Andrés do Barro, que incluso no franquismo foi número un, Mercedes Peón, etc. Outros artistas que tamén optaron polo noso son Carlos Núñez, Uxía...No 2008 creouse a plataforma Galicia Tunes para promocionar os nosos talentos.
Pero se todo isto non son mostras de abondo para demostrar a importancia do galego, tamén podemos presumir de que a nosa lingua se pode estudar por todo o mundo, dentro da Península Ibérica, pero tamén fóra: Londres , París, Berlín, Bos Aires, San Petesburgo, etc.
Ademais de todo o exposto, o principal valor dunha lingua son os seus falantes e este idioma noso coñeceu o esplendor durante séculos e nas peores épocas resistiu grazas ao pobo. Milleiros de persoas falan o galego e decláranse orgullosos de posuír unha lingua propia e de poder usala. Existen plataformas como “Queremos galego” que defenden a igualdade de dereitos, a normalización e a convivencia lingüística.
A única conclusión posible: Debemos sentirnos uns galegofalantes orgullosos.

Os alumnos opinan

Un alumno de 1º de ESO comenta a visita á illa das esculturas:

O pasado xoves, os alumnos e alumnas de 1º de ESO, do IES Torrente Ballester de Pontevedra, fixemos unha visita cultural á Illa das Esculturas.
Durante o percorrido fomos descubrindo as obras de arte que alí se atopan (a Pyramid de Dan Graham, o Laberinto de Robert Morris, a Liña de Pontevedra de Richard Long…)
Tamén descubrimos a fauna e a flora deste marabilloso, e descoñecido para moitos, parque natural de Pontevedra.

Para rematar a visita fixemos un xogo “Á procura do tesouro” que foi moi divertido.

Animo a todos os pontevedreses a que se acerquen a gozar deste lugar tan especial.
Tomás Fernández Buceta 1º ESO C.