Día europeo das linguas

Desde 2001 o Día Europeo das Linguas celébrase cada 26 de setembro e neste ano cúmprense dez desde a súa institucionalización.

Europa posúe un tesouro lingüístico que cómpre manter: ademais das 23 linguas oficiais da UE, súmanse os idiomas de máis de 60 comunidades territoriais ou minoritarias, así como as linguas dos cidadáns orixinarios doutros países e continentes.

Para dar a coñecer esa diversidade, o Comité de Ministros do Consello de Europa decidiu instaurar a celebración anual do Día Europeo das Linguas.

Os obxectivos xerais do Día Europeo das Linguas son alertar a sociedade sobre a importancia da aprendizaxe de idiomas e diversificar a gama de linguas, promover a rica diversidade lingüística e cultural de Europa, que debe ser preservada e fomentada, e fomentar a aprendizaxe permanente de idiomas dentro e fóra dos centros educativos. Europa é un continente plurilingüe e Galicia achega, nese contexto, un elemento valioso para a súa característica diversidade: o galego.

30 de Xaneiro "Día da paz"

DECÁLOGO PARA MEDRAR NA PAZ

1. Es alguén moi importante. Quérete a ti mesmo.

2. Valora aos teus amigos. Daralles seguridade.

3. Descubre todo o que te une aos demais por riba do que te separa.

4. Respecta as opinións. Así contribuirás ao diálogo.

5. Aprende a escoitar, comprenderás mellor aos demais.

6. Esfórzate por terminar ben as túas tarefas. Gozarás co resultado.

7. Cumpre coas túas responsabilidades, os demais necesítano.

8. Traballa en grupo. Ninguén sabe máis que todos xuntos.

9. Comparte as túas cousas cos demais. Farate moi feliz.

10. Pon paz dentro de ti, desta forma estarás poñendo tamén paz ao teu redor.

Roteiro do Caurel Letras galegas 2010

Queres coñecer O Caurel da man de Uxio Novoneyra? pois preme e poderás coñecer esta comarca lucense grazas ao roteiro que elaborou o Consello da Cultura Galega

LETRAS GALEGAS 2010

LETRAS GALEGAS 2010

Este ano o día das Letras Galegas está dedicado ao poeta do Caurel, Uxío Novoneyra.

Na súa obra, este escritor, debuxou como poucos as paisaxes e a vida da súa terra natal. Con moi poucas palabras era quen de mergullarnos na foresta do Caurel.

OS EIDOS é unha da súas obras máis coñecidas e podemos dicir que marca un antes e un despois na poesía galega xa que rompe co localismo e costumismo de Rosalía ou Castelao en favor do intimismo .

Inda que é eminentemente poeta , tamén ten algunhas obras de narrativa pensada para os máis novos como:

"O cubil do xabarín" , "Ilda, o lobo, o corzo e o xabarín" ou
" Gorgorín e Cabezón"

Velaí unha pequena mostra da súa poesía:


Terras outas e soias!
Serras longas mouras!
Eu son esta coor de soedá
Ancares soñados co lonxe!
Penas de Marco de Meio Mundo en ringuileira do
Candedo ás Moás!
Alto da Lucenza Formigueiros Montouto Pía-Páxaro
Tesos cumes do Courel! Pobos probes
Ardidos de tristura mouros de queimados!
Lor ruxindo polo val pecho!
Ucedo e ucedo!
Fontiñas outas
penedos
carrozos escuros
fragas agros soutos e devesas! Labregos e pastoras
que soio vistes
istes tesos e máis estes vales!
Aturula a curuxa e canta o cuco
Medindo o tempo quedo que se para na cor e tornándose
Contra un ven cravarse no sitio onde máis se sinte!
Serra aberta (Os eidos 2)