27/5/10
Fotorelato 2010
Velaquí as fotos que se fixeron para acompañar o “caderno de recordo” que elaboramos na clase de Lingua Galega. Podedes baixar as que queirades e pasalas a papel para pegalas no caderno. Só tendes que clicar na foto e accederedes ao álbum. Que vos quede bonito.
Apertas a todo o mundo e boa sorte.
14/5/10
"O raio transparente"
Charla do realizador e guionista PANCHO LAPEÑA (13 de maio) para 3º e 2º de ESO. Despois de proxectar o seu curto O raio transparente faloulle ao alumnado sobre o audiovisual en Galicia na última década, sobre o festival de Cans, ao que presentou o seu curto o ano pasado, sobre as curtametraxes como vieiro para chegar ás longametraxes de maneira madura, as distintas canles para o visionado, on-line e fisicamente do audiovisual galego.
- CHARLA DE GONZALO VÁZQUEZ (13 de maio): Dun xeito informal Gonzalo abriu un debate cos alumnos de 4º de ESO sobre o feito creativo na Galicia contemporánea, desde unha perspectiva laboral en tempos de crise, botando unha ollada ás industrias culturais doutros países, por exemplo Irlanda para centrarse, ao final, na súa propia experiencia como deseñador no mundo da creación de moda e de vestiario para as artes escénicas, despois de ter traballado en Pontevedra, Barcelona e Italia.