De Catamarca a Atl

Manuel Lourenzo from Biblioteca Torrente Ballester on Vimeo.
O Equipo de Dinamización da Lingua Galega e o Equipo de Biblioteca do instituto elaboraron e montaron na biblioteca unha exposición sobre a persoa e a obra do noso compañeiro Manuel Lourenzo González. Esta exposición pretende ser un xeito de recoñecer o seu labor como escritor, unha carreira que nos últimos anos foi distinguida con diferentes premios (Xerais 2008, Barco de Vapor 2011 e Blanco Amor 2011). A mostra, que permanecerá montada ata os últimos días do mes de maio, inclúe paneis informativos sobre a súa vida e a súa obra, unha selección dos seus textos publicados e unha pequena colección de "obxectos dunha realidade ficticia". 

Os alumnos opinan

A exposición “O galego tamén noutros mundos” non pasou en balde polo IES G. TORRENTE BALLESTER. Vexamos o que aprenderon con ela Uxía Domato e Cintia Cabada de 3º de ESO.
O galego comezou como a lingua dun reino poderoso e amplo que comprendía a actual Galicia, Asturias, León e Zamora e chegaba ata Lisboa. Nesta época era coñecido como galego-portugués e era tan importante que incluso o usaban trobadores e xograres, que non pertencían a este reino, para compoñer as cantigas de amor, amigo e escarnio e maldicir.
Na actualidade a xente considera que o galego é unha lingua pouco útil e que perdeu o seu prestixio. Porén non hai nada máis lonxe da realidade, xa que co galego podes comunicarte cuns 250 millóns de persoas (Angola , Portugal, Brasil, Timor, Guiné Bissau...). Isto explícase pola historia común do galego e o portugués que, aínda que empezaron a seguir camiños por separado a partir do século XV, as semellanzas entre esas dúas linguas seguen sendo maiores cás diferenzas.
A importancia da nosa lingua tamén se manifesta en que foi elixida por escritores que non sendo da nosa terra escribiron en galego (Federico García Lorca, Mª Victoria Moreno, Úrsula Heinze, Eduardo Jorge Bosco, Anne Marce Morris, Jhon Thompson...). Falando de escritores, hoxe contamos cun grande número deles que non por usar a nosa lingua deixaron de ser recoñecidos máis alá das nosas fronteiras grazas as traducións que se fan a outras linguas. Tamén se produce a situación inversa: en galego podemos aprendelo todo, ler os clásicos, os best sellers, informarnos sobre o mundo, a ciencia , a historia...As traducións ao galego comezan a ser parte normalizada da actividade editorial e dos lectores/as.
Máis demostracións do uso do galego son a existencia de páxinas web na nosa lingua (Vieiros, Blogaliza, Galego 21.net,, Eu falo.tv,...). A publicidade e a etiquetaxe é outro eido no que se está introducindo o galego, como garantía de calidade (Sargadelos, Reizentolo, Viña do avó,...). A lingua galega vende e non é un atranco para sobresaír fóra de Galiza e chegar a ser internacionais, isto demóstrao tamén a nosa música, con premios e éxitos importantes: Andrés do Barro, que incluso no franquismo foi número un, Mercedes Peón, etc. Outros artistas que tamén optaron polo noso son Carlos Núñez, Uxía...No 2008 creouse a plataforma Galicia Tunes para promocionar os nosos talentos.
Pero se todo isto non son mostras de abondo para demostrar a importancia do galego, tamén podemos presumir de que a nosa lingua se pode estudar por todo o mundo, dentro da Península Ibérica, pero tamén fóra: Londres , París, Berlín, Bos Aires, San Petesburgo, etc.
Ademais de todo o exposto, o principal valor dunha lingua son os seus falantes e este idioma noso coñeceu o esplendor durante séculos e nas peores épocas resistiu grazas ao pobo. Milleiros de persoas falan o galego e decláranse orgullosos de posuír unha lingua propia e de poder usala. Existen plataformas como “Queremos galego” que defenden a igualdade de dereitos, a normalización e a convivencia lingüística.
A única conclusión posible: Debemos sentirnos uns galegofalantes orgullosos.

O Galego tamén noutros mundos

EXPOSICIÓN "O GALEGO TAMÉN NOUTROS MUNDOS" NO IES. G. TORRENTE BALLESTER
Esta exposición, desde un punto de vista tanto sincrónico como diacrónico, repasa diversas realidades que exemplifican e evidencian a presenza e relación internacional da nosa lingua e, ao tempo, a súa validez, utilidade e dinamismo como ferramenta de comunicación e como marca de calidade, ligada a unha realidade propia e diferenciada - a galega- que se quere manter como tal no mundo globalizado.
Estamos no mundo en galego "somos" en galego, resultamos interesantes e temos cousas que achegar aos demais xustamente porque temos lingua e cultura de noso.
A exposición " O GALEGO TAMÉN NOUTROS MUNDOS" quere transmitir xustamente a idea de modernidade, vitalidade, cosmopolitismo e universalidade da nosa lingua.
OBXECTIVOS:
Presenta o galego na súa dimensión histórica como lingua culta, normalizada no contexto do reino de Galicia e que foi ferramenta de creación poética literaria da súa época. Demostra a validez do galego para chegar ao coñecemento universal a través de traducións, da Rede, do mundo académico, etc. TRansmite a utilidade do galego no contexto internacional, reforzada pola súa proximidade ao portugués. Difunde entre a poboación galega o interese que esperta a nosa lingua e cultura entre estudosos e estudantes doutros países, a través das súas propias voces e reflexións.