Dïa da Biblioteca escolar

Día da biblioteca escolar from Biblioteca Torrente Ballester on Vimeo.

Samaín 2014

Samaín 2014 from Biblioteca Torrente Ballester on Vimeo.

Entroido 2014

Entroido 2014 from Biblioteca Torrente Ballester on Vimeo.

Postais de Nadal 2013

Postais from torrentegalego on Vimeo.

O samaín nas aulas

samaín nas aulas from Biblioteca Torrente Ballester on Vimeo.

Día dos mortos

Día dos mortos from Biblioteca Torrente Ballester on Vimeo.

Entroido 2013

Entroido 2013 no IES Torrente Ballester from Biblioteca Torrente Ballester on Vimeo.

Xa é unha tradición no noso instituto celebrar a chegada do Entroido e este ano non podiamos faltar a este acontecemento, así que nos vestimos de gala carnavalesca e saímos das aulas para que toda a comunidade educativa nos vise, tampouco podía fallar o tan esperado concurso de sobremesas típicas que nos adozan a ocasión, con todos estes ingredientes pasámonolo fenomenal.
Este vídeo non é máis que unha pequena mostra de todo o acontecido este ano

O clube de debate

A favor ou en contra? en Ponte.tv

O sábado, día dous de febreiro, comezou o club de debate no que participou o Torrente Ballester. 
O tema era "Debe o estado garantir un posto de traballo á nosa xuventude?"
 O alumnado tiña que defender a postura a favor ou en contra, dependendo dun sorteo que se facía antes de cada debate. 
 Aínda que non gañamos, os nosos rapaces e rapazas non perderon ningún dos dous debates.

Os nosos parabéns aos gañadores!

Premiados no concurso de postais de Nadal

Libros e Postais para o Nadal from Biblioteca Torrente Ballester on Vimeo.

Como todos os anos por estas datas o Instituto  vístese de gala para recibir o Nadal. Os alumnos do Centro, animados pola profesora de Relixión e os profesores de EPV traballaron sen descanso para presentar as súas postais ao concurso que convoca o EDLG e, A Biblioteca,  únese á celebración propoñéndovos lecturas, recén chegadas, para que as gocedes nestes días de Vacacións.

Bo Nadal para tod@s e mellor Aninovo

25 novembro

 Carta gañadora do

I Concurso “Se ti non tes voz, eu teño palabras”.

 A quen lle interese:

   Cada día que pasa creo que teño menos vida. Vivo nun inferno permanente onde non existe a piedade para a miña alma. Sinto medrar o medo e as angustias dun final que descoñezo, son unha boneca rota en metade dun océano de novas “Barbies”, sobrevivo quieta e soa ao borde da loucura. Non podo evitar ter medo do meu futuro, nunca pensei en escapar ata agora, coa miña cara magoada dos golpes dese insensato. Pode que esta sexa a última carta que escriba, pode que a miña inesperada fuga non saia coa precisión do previsto. Teño que intentalo. Non podo ficar nesta casa cunha persoa que non me quere, ter medo de relacionarme con calquera para que non me golpeen máis. Síntome perdida. Asustada. Agora mesmo necesito un cachiño de terra onde aferrarme coa seguridade que nunca tiven. Levo catro días sen derramar bágoa ningunha, o meu maior récord.

   Estou segura de que esta é tan só unha historia máis, que se alguén dá con esta carta non cambiará o que millóns de mulleres sofren e teñen sufrido cada minuto da súa existencia. Eu sei coa certeza do maior sabio do mundo o que se sente: cando o primeiro golpe chega, culpabilízaste. Cando un tempo despois os golpes se repíten, non podes crelo, é remotamente imposible. Comezas a desculpar todas as accións de quen te maltrata. O que vén despois é o peor. Decátaste de que non te quere e intentas remedialo por todos os medios posibles. Tamén sei con certeza que esta é a última fase que ocorre sempre, a continuación hai dúas opcións: a total ignorancia e a fuxida. As miñas maletas descansan na porta da entrada. Non tiven o valor de denuncialo, porque o quixen, e, ás veces, cando recupero os recordos do pasado, quéroo.

   Sempre estiven equivocada e non o puiden ver. Eu non sei a razón de por que seguín apostando por el. Supoño que cando alguén se namora perde o sentidiño.

   Rapazas, nenas, mulleres e señoras do mundo: non deixedes que ninguén sexa o dono da vosa vida. Sodes como sodes e ninguén ten dereito a controlarvos. Se confiades en min, marcharemos xuntas; ficaremos nun lugar onde ninguén nos moleste e prométovos que sempre coidaremos as unhas das outras e que nunca voltaremos a sentirnos soas. Temos unha historia en común que sempre nos unirá cun fío de quilómetros.

   Tan só o amor cura. A rabia,  o sentimento de culpa e o medo só conseguen afastarte das túas verdadeiras capacidades. Non pechedes os vosos corazóns, amade e deixarvos amar por alguén que o faga de verdade. Non pechedes o libro,  só pasade páxina, aínda que custe.

   Quérovos, miñas princesas. Demostrade que nós tamén podemos levantar a voz e berrar. E se a algunha lle falta a voz, a nós sóbrannos palabras.

                                                                    Asinado: Unha valente máis.

Autora: Yolanda García Ferradás 3º de ESO

2º Premio

Avignon, rue de la Carreterie.

36003

Luns, 27 de outubro do 2010

Querida mamá:

Escríboche esta carta para informarte de que por fin, despois de moitos esforzos, rematei os estudos e de que me contrataron nunha empresa como avogada; mais a verdadeira razón pola que estou tan contenta é porque vou poder levar o caso polo que dende hai cinco anos estás no cárcere.

Onte lin no xornal que encarceraran un home, un HOME, mamá, por abusar sexualmente da súa filla e  por mallar na súa muller.  A nena tiña tan só quince anos e, segundo se explicaba no xornal, levaba aturando que o seu pai a violase desde os trece, e vendo como mallaba na súa nai dende os sete.

Eu lévote vendo sufrir dende que teño catro anos, e sempre pensei que era culpa túa, tanto polo que dicía o meu pai, como polo que no colexio me dicían que contaban as leis; foi por iso polo que me decidín a estudar dereito, e foi por iso tamén polo que te animei  a denunciar,  sen pensar nas consecuencias.

Dende que te encarceraron "por denunciar os malos tratos do teu marido e por facer algo que provocase que el che pegase" , non parei de pensar que era culpa miña por animarte a denunciar...

Durante estes catro anos non pensei noutra cousa que non fose sacarte do cárcere e conseguir que viñeses vivir comigo a Francia. Co soldo que agora gaño pagarei a túa fianza, mercarei unha casa na que poidamos vivir as dúas, e o día do xuízo conseguirei que os xuíces te recoñezan como inocente e que metan a papá no caldeiro. vaia se o conseguirei! Por Deus que o vou conseguir!

E sabes por que?

Porque así empezará o proceso polo cal seremos recoñecidas como seres humanos, poderemos saír soas á rúa sen ter que estar acompañadas dun home da nosa familia, poderemos ensinar o pelo, poderemos denunciar as violacións  e os malos tratos sen medo a sermos castigadas; pero sobre todo, mamá, sobe todo, fareino porque  te quero.

Con moitísimo amor,

A túa filla.

                                                   Autora: Marta Gómez Martín, 4º de ESO

 .

Concurso de postais de Nadal

Como en anos anteriores ao chegar estas datas o EDLG , o Departamento de Relixión e o Equipo de Biblioteca do Centro convocan o Concurso de Postais de Nadal; esperamos, coma sempre, moita participación.

Haberá premios para os gañadores.

Ánimo e, a debuxar!

Ben veñas maio

Un ano máis  Alumnos do noso Instituto resultaron gañadores no concurso de "Ben veñas maio"


 Velaí os gañadores:


 BANDA DESEÑADA
 Categoría A
 1º premio: HÉCTOR E GABRIEL GESTIDO HERVÉS  2º de ESO


 NARRATIVA
 Categoría A 
 1º premio: ALDARA OTERO  3º de ESO
 2º premio: TANIA BROULLÓN  3º de ESO


 Categoría B
 2º premio: CINTIA CABADA  4º de ESO


 Parabéns aos galardoados!!!! 


Xa sabedes o próximo sábado 26 de Maio as 17,30 pasade polo Auditorio de Pontevedra para recoller os vosos agasallos

Celebramos o Antroido comendo e disfrazándonos

II Certame de narrativa Mª Victoria Moreno

 

Xa temos gañador@s

Concurso de tarxetas de Nadal from torrentegalego on Vimeo.

Concurso de tarxetas de nadal

Como en anos anteriores o EDLG  do IES Torrente Ballester convoca o concurso de tarxetas de nadal, xa sabedes que a tarxeta gañadora será a que usemos para felicitar estas festas a toda a comunidade educativa, pero haberá outros moitos premios.
Ánimo! A participar todos!

Outras colaboracións

Olimpíadas do saber:

Un ano máis, colaboramos, coas persoas encargadas da biblioteca, na elaboración dun concurso que chamamos do saber, porque os alumnos tiñan que ir respondendo a unhas cuestións que se ían expoñendo nun taboleiro. O equipo gañador foi o que sumou máis puntos:

1º CICLO:

1º Clasificado: “ A cabeza non para” (34 puntos).

2º Clasificado: “ Os sennome” (32 puntos).

2º CICLO:

1º Clasificado: As sulfamidas” (34 puntos).

2º Clasificado: Os frikies” (33 puntos).

III Olimpiada do saber por chusinita

Tamén participamos, xunto coas persoas encargadas da biblioteca, no concurso de narrativa curta , no que resultaron gañadores:

CATEGORÍA A (1º ciclo de ESO): ALDARA OTERO LÓPEZ (1º PREMIO) E

BRAIS GÓMEZ MARTÍN (2º PREMIO)

CATEGORÍA B (2º ciclo de ESO): CINTIA CABADA MALVAR (1º PREMIO) E SARA VIDAL GARCÍA (2º PREMIO).

CATEGORÍA C (bacharelato e ciclos formativos): María Orge (2º PREMIO). O primeiro premio quedou deserto pola baixa calidade dos traballos presentados.

CATEGORÍA D (ex–alumnos/as): Yima Lizeth Ramírez ( 2º PREMIO). Queda deserto o primeiro premio pola baixa calidade e a pouca participación

Máis premiados

No BEN VEÑAS MAIO, no certame de narrativa categoría A (ata 14 anos), as gañadoras foron dúas alumnas do IES TORRENTE BALLESTER:
1º premio: Cintia Cabada Malvar
2º premio: Aldara Otero López.

O EDLG quere felicitalas porque foron moitos os centros que participaron e os alumnos cos que tiveron que competir.

Tamén temos que darlles os nosos parabéns a Brais Gómez Martín e a Gabriel Gestido Hervés porque conseguiron o 2º premio de banda deseñada na categoría A ( ata 14 anos).

Marcapáxinas con lema

II Concurso "Liga de Debates"

O equipo do IES TORRENTE BALLESTER, aínda que foi o único que gañou os dous debates, quedou de terceiro (por moi puquiña puntuación de diferenza) e non pasou á final.
Pero non por iso, podemos deixar de felicitar ao noso alumnado, que o fixo realmente ben.
Parabéns tamén para os equipos finalistas: Valle Inclán e Luís Seoane.