12 máis 1

Hoxe, martes e trece fomos visitar o Salón do libro de Pontevedra, resultou moi ben pois "Mofa e Befa" agasalláronnos cunha representación teatral xenial, rimos moito con eles, logo poidemos visitar a exposición onde vimos o resultado do traballo de moitos rapaces, todos  estupendos, e o noso tamén quedou moi ben no medio de todos.

Alicia&Alicia, teatro

Hoxe pola mañá, cos alumnos de 2º de ESO, fomos ao Pazo da Cultura de Pontevedra a ver a representación teatral "Alicia&Alicia"

Tendo como referencia a obra de Lewis Carrol mestura unha linguaxe estética, musical, coreográfico e audiovisual.

Esta actividade é unha das numerosas propostas do 12º Salón do Libro Infantil e Xuvenil da nosa cidade que nesta edición xira ao redor do fío condutor da mentira, mentiras que desencadean historias.

Se queres coñecer a programación de actividades do Salón clica que hai un enlace directo.

"Sexo? Por que non?"

Os alumnos de 4º de ESO foron o venres ao Pazo da Cultura ver a obra de teatro "SEXO? POR QUE NON?, interpretada pola compañía EME. É unha comedia trepidante na que desde Adán e Eva ata os nosos días se mostran situacións cotiás en torno ao encontro carnal; é unha comedia reflexiva, un punto de encontro humorístico para rachar cos tópicos e os tabús e ao alumnado encantoulle.