19/12/11

13/12/11

O Galego a nosa vantaxe


Os alumnos de primeiro de bacharelato estiveron asistindo no mes de Decembro a unhos obradoiros co título xenérico "O galego a nosa vantaxe".
Con estes obradoiros preténdese achegar aos estudantes da Galiza un coñecimento básico da identidade do galego coa lingua portuguesa (entre as primeiras por número de falantes no mundo), vehículo dunha cultura internacional e lingua oficial de varios países nos cinco continentes, un deles (O Brasil) entre as dez economias máis potentes no mundo actual.

Quen sabe mais galego, sabe mais portugués... e esa é a nosa vantaxe competitiva. Ao sabermos portugués as opcións laborais multiplícanse, mas também as culturais (música, cinema, literatura...) e persoais (relacións humanas, viaxes, actividades...).



29/11/11

Por que é bo que os nenos aprendan galego


Este triptico fíxonolo chegar a Escola Oficial de Idiomas de Pontevedra para a súa difusión e coidamos que merece a pena que estea aquí. Moitas grazas.

23/11/11

Carlos Blanco en apoio ós medios públicos



TODOS OS MEDIOS DE COMUNICACIÓN SON IMPRESCINDIBLES PARA NORMALIZAR A NOSA LINGUA

9/11/11

Concurso de tarxetas de nadal


Como en anos anteriores o EDLG  do IES Torrente Ballester convoca o concurso de tarxetas de nadal, xa sabedes que a tarxeta gañadora será a que usemos para felicitar estas festas a toda a comunidade educativa, pero haberá outros moitos premios.
Ánimo! A participar todos!

3/11/11

E volvimos ao teatro!!!!








Hoxe con alumnos de 1º de ESO fomos ver ao Teatro Principal de Pontevedra 'Memorias dás Memorias dun neno labrego'.
O artista galego Cándido Pazó rende a mellor homenaxe ao libro "Memorias dun neno labrego" de Xosé Neira Vilas no 50 aniversario da súa primeira publicación. Pazó representa un monólogo escénico-narrativo baseado nos textos desta peza clave da literatura galega, ao que engade outro material da tradición popular.
Dirección e interpretación: Candido Pazó
Abrapalabra Creacións Escénicas

Gustounos moito. Felicitacións a Cándido por un traballo tan ben feito.

28/10/11

O Samaín


o samaín no IES Torrente Ballester de Pontevedra por chusinita

A gran festa do Primeiro de Novembro, é a máis importante do calendario celta porque daba lugar a grandes reunións de xente e a rituais de gran complexidade. A festa de Samain significa etimoloxicamente "final do verán", e refire ao momento en que deben encerrarse os rabaños dentro das cortes, o cal é indicativo dunha sociedade cuxa economía se acha baseada no pastoreo de animais.
Simbolicamente, a noite de Samain representa a eternidade. É un momento en que o tempo é abolido e o mundo do sidh (etimoloxicamente "paz". É o dominio dos deuses, os heroes e os defuntos, o Outro Mundo celta) ábrese ao mundo dos vivos.
O cristianismo apropiouse desta festa dando lugar á celebración de "Todos los Santos", isto é, a comunidade perfecta entre os vivos e os mortos.
Nos paises de tradición anglosaxona, a celebración de Samain recibe o nome de Halloween e, globalización mediante, esténdese actualmente aínda en países de tradición católica, adquirindo claros matices de festividade popular asociada a unívocos íconos de consumo masivo como cabazas e disfraces varios.


Se queres ler os contos que algúns dos teus compañeiros escribiron non tes máis que clicar no título da entrada e poderás disfrutar da súa lectura

21/10/11

Ímos ao teatro




Onte pola mañá, cos alumnos de 3º de ESO, fomos ao Pazo da Cultura de Pontevedra a ver a representación teatral "Life is a paripé" dirixida por José Luis Prieto, que tamén pon a música xunto a Carlos Mosqueira "Mos".

A peza fíxose con tres premios María Casares. Iolanda Muíños gañouno como mellor actriz protagonista, tamén levou o de mellor música orixinal e mellor espectáculo revelación.

A obra está estruturada en once "sketches" que invitan a reflexionar sobre o que somos e aparentamos ser, todo en clave de humor e parodia.

Resultounos moi entretida, pasámolo moi ben.

26/9/11

Día europeo das linguas

Desde 2001 o Día Europeo das Linguas celébrase cada 26 de setembro e neste ano cúmprense dez desde a súa institucionalización.

Europa posúe un tesouro lingüístico que cómpre manter: ademais das 23 linguas oficiais da UE, súmanse os idiomas de máis de 60 comunidades territoriais ou minoritarias, así como as linguas dos cidadáns orixinarios doutros países e continentes.

Para dar a coñecer esa diversidade, o Comité de Ministros do Consello de Europa decidiu instaurar a celebración anual do Día Europeo das Linguas.

Os obxectivos xerais do Día Europeo das Linguas son alertar a sociedade sobre a importancia da aprendizaxe de idiomas e diversificar a gama de linguas, promover a rica diversidade lingüística e cultural de Europa, que debe ser preservada e fomentada, e fomentar a aprendizaxe permanente de idiomas dentro e fóra dos centros educativos. Europa é un continente plurilingüe e Galicia achega, nese contexto, un elemento valioso para a súa característica diversidade: o galego.

22/9/11

Benvid@s a un novo curso

6/6/11

Unha noite no muiño

Eu queriame casare



Estas dúas cantigas foron recollidas por Matias Monteagudo no lugar de Liñares, concello de Campo Lameiro (Pontevedra)

30/5/11

Outras colaboracións

Olimpíadas do saber:

Un ano máis, colaboramos, coas persoas encargadas da biblioteca, na elaboración dun concurso que chamamos do saber, porque os alumnos tiñan que ir respondendo a unhas cuestións que se ían expoñendo nun taboleiro. O equipo gañador foi o que sumou máis puntos:

1º CICLO:

1º Clasificado: “ A cabeza non para” (34 puntos).

2º Clasificado: “ Os sennome” (32 puntos).

2º CICLO:

1º Clasificado: As sulfamidas” (34 puntos).

2º Clasificado: Os frikies” (33 puntos).


III Olimpiada do saber por chusinita

Tamén participamos, xunto coas persoas encargadas da biblioteca, no concurso de narrativa curta , no que resultaron gañadores:

CATEGORÍA A (1º ciclo de ESO): ALDARA OTERO LÓPEZ (1º PREMIO) E

BRAIS GÓMEZ MARTÍN (2º PREMIO)

CATEGORÍA B (2º ciclo de ESO): CINTIA CABADA MALVAR (1º PREMIO) E SARA VIDAL GARCÍA (2º PREMIO).

CATEGORÍA C (bacharelato e ciclos formativos): María Orge (2º PREMIO). O primeiro premio quedou deserto pola baixa calidade dos traballos presentados.

CATEGORÍA D (ex–alumnos/as): Yima Lizeth Ramírez ( 2º PREMIO). Queda deserto o primeiro premio pola baixa calidade e a pouca participación

Encontros con escritoras/es




O EDLG, abusando do noso compañeiro Manuel Lourenzo González, fixemos unha actividade cos alumnos de 1º de ESO que len o seu libro Unha pantasma no colexio e cos de 2º de ESO que len Tanis l, o Mocos. Ademais de falarlles dos seus libros, comentoulles como era para el o proceso creador, deulles algunhas pautas e sobre todo animounos a escribir. Esta actividade realizouse o 27 de Maio.

Animación á lectura para os alumnos de primeiro de ESO

En colaboración coa profesora Mª Jesús Porto. Despois de dedicar varias horas a ler textos en alto, dramatizar, etc., o día da inauguración da Biblioteca este alumnado recitou textos de Mª Victoria Moreno, cuxo nome leva a nosa biblioteca, xa que ademais de ser profesora do centro doounos os seus libros.



2/5/11

Máis premiados


No BEN VEÑAS MAIO, no certame de narrativa categoría A (ata 14 anos), as gañadoras foron dúas alumnas do IES TORRENTE BALLESTER:
1º premio: Cintia Cabada Malvar
2º premio: Aldara Otero López.

O EDLG quere felicitalas porque foron moitos os centros que participaron e os alumnos cos que tiveron que competir.

Tamén temos que darlles os nosos parabéns a Brais Gómez Martín e a Gabriel Gestido Hervés porque conseguiron o 2º premio de banda deseñada na categoría A ( ata 14 anos).

7/4/11

Ben Veñas Maio



Aquí tedes as mostras dos traballos dos nosos alumnos

Na categoría de fotografía cun uso anómalo ou curioso da lingua galega, quedou como finalista Pablo Castro Fouces, que terá que seguir intentándoo. Os comentarios que fixo sobre o uso da lingua galega no cartel eran moi axeitados, pero a participación foi moita e os competidores traballaron ben as súas reflexións.

No cartel publicitario das festas do Pilar da bisbarra do Ventorrillo hai moitos fallos ortográficos. Este cartel estaba distribuído por abundantes bares e locais públicos, á vista de calquera transeúnte. O cartel está estruturado da seguinte forma:  DÍA DO PULPO (tería que ser POLBO, xa é hora de que nos acostumemos ao noso léxico)  DENDE ÁS 19 h. FESTIVAL FOLK GALEGO PRESENTADO POR XURSO SOUTO. ÁS 21.30 h. BROCHE DE ORO COA ACTUACIÓN DA BANDA MUNICIPAL E OS GAITEIROS BAHAMONDE, LAMAS E ROMERO. CORONACIÓN DOS REICES. Se cando saïamos do instituto todos e todas temos asimilado así de ben a nosa lingua é que o ensino en galego funciona ben: confundimos os artigos coas contraccións (as non ás), non sabemos escribir os nomes propios (Xurxo non Xurso), parécenos do máis normal falar de “oro” en vez de ouro e ata nos atrevemos a inventar (reices por reis). Por se isto nos parece pouco, completámolo cun uso innecesario de maiúsculas. Ao fin e ao cabo os que inventaron as regras ortográficas non tiñan nada mellor que facer!  Orquestra , Churrascada, Carpa de Festa (todo isto aparece no referido ao día 11). O día 12 tampouco se queda atrás: Misa Solemne, Nosa Patrona, Sesión Vermut, Orquestra.  Tampouco sabemos moito do uso do posesivo con artigo (MISA SOLEMNE NA HONRA A NOSA PATRONA). Aquí tería que dicir : misa solemne na honra da nosa patrona (preposición de + artigo a). Ou ben : misa solemne en honra á nosa patrona.

Na categoría A (ata 14 anos), no concurso de poesía de BEN VEÑAS MAIO gañou o primeiro premio Marta Gómez. Parabéns!.

A LUZ

Luz é:

Verde, branca, azul, amarela.

A luz é de todas as cores que un queira.

A luz son as cores do firmamento.

A luz é verde, branca, negra…

A luz é da cor dos ollos daquela nena.

A luz é:

Vermella na arte,

vermella nas feridas e

vermella no sangue.

A luz é:

Amarela no sol,

amarela na vida e

amarela no amor.

Pero nos ollos daquela nena…

A luz era verde, branca, azul, amarela…

Todas as cores que eu pensaba


Estaban nos ollos… daquela nena.

NOME: Marta Gómez Martín// CURSO: 2º B ESO

17/3/11

Entroido 2011


22/2/11

20/2/11

II Concurso "Liga de Debates"


O equipo do IES TORRENTE BALLESTER, aínda que foi o único que gañou os dous debates, quedou de terceiro (por moi puquiña puntuación de diferenza) e non pasou á final.
Pero non por iso, podemos deixar de felicitar ao noso alumnado, que o fixo realmente ben.
Parabéns tamén para os equipos finalistas: Valle Inclán e Luís Seoane.

17/2/11

II CONCURSO "LIGA DE DEBATES"



O Concello de Pontevedra organiza por segundo ano este concurso para potenciar o uso da lingua oral en contextos formais e informais, traballar a fluidez comunicativa ligada á oratoria, incitar o pensamento crítico e analítico, fomentar a diversidade de opinión, a tolerancia fronte a diferentes cuestións e o traballo en equipo e por último dinamizar os EDLG dos centros de ensino de secundaria, que por outro lado xa traballan conxuntamente no "Ben veñas, maio".

Os rapaces tiveron que preparar argumentos a favor e en contra , dado que non saben que opción terán que defender, sobre dous temas que lles deron previamente

"Debese alongar a vida dunha persoa mentres a técnica o permita?"

"Deben os Gobernos promover os medios de comunicación en galego?"

Do noso centro foron 9 alumnos de 1º de Bacharelato, 4 alumnos (2 oradores e 2 investigadores), máis 5 alumnos de apoio e, en caso de necesidade, suplentes que xa asistiron a unha xornada de formación o 18 de decembro, agora deberán pasar a fase preliminar que será o sábado 19 de febreiro no Pazo da Cultura e logo a fase final, pois non dubidadmos de que o farán moi ben e clasificaranse, o sábado 26 de febreiro no café Moderno.

Os compoñentes do noso equipo son:

NEREA MEIS CORES

TAMARA PAZOS

DUNIA ABOUFARES

JOSÉ MANUEL DURÁN

ALBA LUGILDE

ALBA PERMUY

ESTEFANÍA PIÑÓN

CLAUDIA MÉNDEZ

MARÍA ORGE e

RAQUEL RODRÍGUEZ



MOITA SORTE rapaces !!!!!!

11/2/11

Alicia&Alicia, teatro



Hoxe pola mañá, cos alumnos de 2º de ESO, fomos ao Pazo da Cultura de Pontevedra a ver a representación teatral "Alicia&Alicia"
Tendo como referencia a obra de Lewis Carrol mestura unha linguaxe estética, musical, coreográfico e audiovisual.
Esta actividade é unha das numerosas propostas do 12º Salón do Libro Infantil e Xuvenil da nosa cidade que nesta edición xira ao redor do fío condutor da mentira, mentiras que desencadean historias.
Se queres coñecer a programación de actividades do Salón clica que hai un enlace directo.

9/2/11

Lois Pereiro. Documental

7/2/11

Lois Pereiro

2/2/11

Documental sobre Lois Pereiro

27/1/11

I CERTAME DE NARRATIVA


Convócase O I Certame de Narrativa do IES, convocado polo EDLG e a Biblioteca Mª Victoria Moreno . Poden participar todos o alumnado matriculado no centro e NOVIDADE!: os ex-alumnos e ex-alumnas. Se estades interesados, mirade as bases. Os premios son interesantes, e ademais... o voso nome poderá aparecer nas pinturas da Biblioteca do Centro.



Animádevos!

25/1/11

30 de Xaneiro "Día da paz"


DECÁLOGO PARA MEDRAR NA PAZ

1. Es alguén moi importante. Quérete a ti mesmo.

2. Valora aos teus amigos. Daralles seguridade.

3. Descubre todo o que te une aos demais por riba do que te separa.

4. Respecta as opinións. Así contribuirás ao diálogo.

5. Aprende a escoitar, comprenderás mellor aos demais.

6. Esfórzate por terminar ben as túas tarefas. Gozarás co resultado.

7. Cumpre coas túas responsabilidades, os demais necesítano.

8. Traballa en grupo. Ninguén sabe máis que todos xuntos.

9. Comparte as túas cousas cos demais. Farate moi feliz.

10. Pon paz dentro de ti, desta forma estarás poñendo tamén paz ao teu redor.



20/1/11

XORNADAS DE TOPONIMIA



Colaboración na organización das III XORNADAS DE TOPONIMIA. “Estudo dos nomes de lugar. Aplicacións didácticas”. Dado o traballo que estamos realizando no noso instituto cos alumnos arredor da toponimia, comentamos co Concello a posibilidades de facer unhas xornadas nas que tamén pudiesen participar os alumnos/as do centro. A Concellaría de Normalización Lingüística apoiou a proposta e as xornadas estanse realizando nestes días: 17, 19, 24, 27, 29 de xaneiro, 1 e 3 de febreiro de 2011 no Pazo da Cultura, excepto o sábado 29 que se fará unha saída de campo. Achegamos o programa.