6/6/18

SAÍDA A CELANOVA DO ALUMNADO DE 2º ESO

O mércores 30 de xuño o alumnado de 2º ESO participou nunha saída organizada polo Departamento de Música coa colaboración do EDLG.

Esta actividade consistiu nunha visita a Celanova, onde o alumnado puido coñecer a Casa dos Poetas, a que foi a casa familiar de Curros Enríquez. Neste espazo, onde contaron cunha visita guiada, tamén se achegaron a outras figuras literarias desta vila como o poeta Celso Emilio Ferreiro.

Despois da visita á vila de Curros seguimos cara a Vilanova dos Infantes e, antes de volver a Pontevedra, fixemos unha última parada no Castro de Castromao.






22/5/18

PABLO CARPINTERO NO IES TORRENTE BALLESTER

O alumnado de 3º e 4º de ESO tivemos a sorte de contar no noso instituto con Pablo Carpintero Arias e a súa dona. Pablo Carpinteiro ademais de ser doutor en Ciencias pola Universidade de Santiago de Compostela, onde foi profesor de bioquímica, é un músico,un artesán e un investigador que pertence á Asociación de Gaiteiros Galegos e dirixe dous grupois de recuperación de tradicións musicais galegas.
a nós ensinounos a evolución dos instrumentos musicais dende o Paleolítoco, tanto dos usados polas mulleres coma dos creados polos homes. Tamén nos mostrou diferentes tipos de gaitas segundo o lugar.
Todas estas explicacións foron aconpañadas pola interpretación de diferentes pezas musicais nas que acompañou a súa muller.




Sara Portela Franco e Alba Casalderrey Acuña

14/5/18

PREMIADOS NO BEN VEÑAS MAIO

BVM 2018
Vinte e cinco anos despois do nacemento do BVM, idea que parte do noso ex-comapañeiro Manuel Lourenzo González, os/as coordinadores/as dos EDLG seguen fomentando o uso da nosa lingua a través de diferentes concursos, agora coa colaboración do Concello de Pontevedra.
O alumnado do IES Torrente Ballester saíu moi ben parado: na modalidade de narrativa conseguiu tres premios; en poesía, un; e en banda deseñada, tamén un. Parabéns a Clara, Andrés, Emilia, Laura e Diego. 



11/5/18


O EDLG continúa coa campaña de divulgación do léxico galego relacionado cos eidos da vida cotiá

26/4/18

CAMIÑADAS CON Mª VICTORIA MORENO

ROTEIRO MARÍA VICTORIA MORENO
Neste roteiro o noso alumnado puido achegarse, unha vez máis, á homenaxeada no día das Letras Galegas do 2018, ao paso que tamén puido coñeder mellor a historia da nosa cidade, Pontevedra, e as transformacións que foi vivindo ao longo do tempo. 





20/4/18

SALÓN DO LIBRO

OBRADOIRO CON QUICO DA SILVA E LUÍS DAVILA
O alumnado quedou encantado

 
PERCORRIDO POLO SALÓN, CON PARADA NO TRABALLO QUE NÓS PRESENTAMOS




 

10/4/18

PRESÉNTASE "DOCE CARTAS A MARÍA VICTORIA MORENO"

No IES Torrente Ballester presentouse a obra de Ánxela Gracián Doce cartas a María Victoria Moreno, biografía novelada da escritora homenaxeada no Día das Letras Galegas. A autora estivo acompañada polo académico Xesús Alonso Montero, a editora Laura Rodríguez e o director do instituto David Castro.
                                                      

5/4/18

DOCUMENTAL SOBRE MARÍA VICTORIA MORENO

Se clicas AQUÍ podes acceder ao documental sobre María Victoria Moreno, que se estreou o 4 de abril no acto académico de homenaxe á autora celebrado no IES Torrente Ballester. 

Este documental foi elaborado por Gaspar Broullón, ex-alumno de Mª Victoria, hoxe profesor de realización audiovisual. Neste  vídeo queda clara a pegada que a homenaxeada das Letras Galegas do 2018 deixou en amigos/as, alumnado, familia...

Tamén podes velo directamente dende esta entrada:


4/4/18

XORNADAS DIDÁCTICAS SOBRE MARÍA VICTORIA MORENO




Co obxectivo de achegármonos máis á persoa, á escritora, á "sementadora das letras" como di Xavier Senín, á profesora, profesión da que estaba namorada igual ca da lingua galega que fixo súa, organizamos unhas xornadas didácticas sobre Mª Victoria Moreno. Nelas tivemos o pracer de escoitar, entre outras personalidades, ao Alcalde de Pontevedra, a Víctor Freixanes, a Xavier Senín, a Fina Casalderrey e a Alonso Montero.
Ademais visionamos o documental que un ex-alumno de Mª Victoria, Gaspar Broullón, se encargou de montar.
Para rematar a xornada, alumnado do IES Torrente Ballester deu lectura ao conto inédito "Morito" que Mª Victoria nos deixou de agasallo.

                                                  


7/3/18

LEONARDO E OS FONTANEIROS

ESTREA DE LEONARDO E OS FONTANEIROS NO IES TORRENTE BALLESTER
 Os alumnos de 1º e 2º de ESO asistiron á representación teatral da adaptación da obra de Mª Victoria Moreno Leonardo e os fontaneiros, a cargo da compañía Ubú Teatro.




Asistiron a esta estrea Begoña Llácer, filla de Mª Victoria, e Pedro Ferriol, o seu viúvo.

2/3/18

DÍA DE ROSALÍA DE CASTRO


ABRIMOS FIESTRAS E ESTENDEMOS OS SEUS VERSOS POR TODO O CENTRO








25/2/18

(TRANS)FORMANDO O MUNDO

Eva Mejuto volveu polo noso centro acompañada desta volta polo dúo Canela Cafuné. Acollemos no centro un dos obradoiros da Concello de Pontevedra para achegar ao alumnado de 2º da ESO a realidade trans: (Trans)formando o mundo.

A partir de fragmentos do libro 22 segundos, o alumnado puido entrar en contacto con Álex, un mozo transexual que ten que ir derrubando muros ao longo da súa vida. Así, as rapaces e rapaces de 2º da ESO participou nunha actividade de promoción da tolerancia e prevención do acoso escolar.




16/2/18

OPS! O galego, a nosa vantaxe




OBRADOIRO: OPS!
O alumnado de 3º de ESO asistiu a este obradoiro, impartido por AGAL, no que dunha forma clara e amena se puxo en valor a lingua galega, facendo ver a súa potencialidade e contrarrestando os prexuízos: Dominando o noso idioma podemos acceder ao portugués e comunicarnos co mundo da lusofonía 

María Victoria Moreno





María Victoria Moreno, mestra e escritora, naceu en Estremadura. En Madrid licenciouse en Filoloxía Románica. No ano 1963 chegou a Pontevedra. Logo dunha etapa en Lugo e Vilalonga (Sanxenxo) volve a Pontevedra, onde foi profesora nos institutos Valle-Inclán e Torrente Ballester, desde os anos 80 ata a súa xubilación. 



Desde o comezo, identificouse con Galicia e coa súa cultura. Tamén participou activamente na vida cultural e política da cidade e do país colaborando en conferencias, cursos e encontros literarios. Ademais de novelas e contos, escribiu obras de ensaio, colaborou na redacción de libros de texto e dirixiu a colección "Árbore" da editorial Galaxia.



Como profesora, afanábase na procura dun método de ensino no que prevalecese o gozo que supón a aprendizaxe. Fronte ás prohibicións, a censura e o medo, María Victoria ofrecía liberdade e xogos. Alimentaba os seus "cachorros" de palabras fermosas. A eles deixou en herdanza a súa biblioteca persoal.


Era encantadora de palabras, amante dos libros e defensora da literatura infantil e xuvenil. Sentía, como os rapaces, a incomprensión dos adultos e o desacougo de andar perdida no mundo. De nena escapaba da triste realidade da posguerra coa fabulación de historias e, na adolescencia, escribiu unha novela, que se chamaría co paso do tempo Donde el aire no era brisa. Pedro Ferriol, compañeiro durante os seus últimos anos, presentou a obra ao concurso literario de Monleón, onde foi merecedora do primeiro premio. Quedou finalista do Premio Café Gijón e co relato La casa de las Marías obtivo o primeiro premio dos Jogos Florais Minho-Galaicos de Guimarães. 




Despois, xa en Galicia, adquiriu o compromiso de escribir só en galego. Contaba María Victoria que soñara Mar Adiante como a singradura dunha escola ideal. O conto "Crarisca e Luceiro" levou o segundo premio do Concurso Nacional de Contos Infantís "O Facho" en 1972. Leonardo e os fontaneiros (1986) era a súa obra preferida. Esta novela, que propón diferentes formas de lectura, reflicte o mundo interior dun rapaz e a súa amizade cun can da rúa. Levou o terceiro premio do concurso "O barco de vapor" en 1985


Anagnórise(1989) é unha das obras con máis éxito da literatura xuvenil galega. A xeito de "road-movie", unha muller misteriosa recolle no seu coche a un desorientado adolescente que emprenderá unha viaxe cara ao coñecemento. Guedellas de seda e liño (1999), mención especial White Ravens 2002, retrata dous mundos, o paio e o xitano, a través da vida de dúas nenas e un primeiro amor. No 2004, afectada polo cancro de mama que lle levou a vida, escribiu Diario da luz e a sombra, reflexión sincera e valente sobre os efectos da enfermidade.





María Victoria era xenerosa e decidida, valorosa ante a vida, o amor e a morte. Malia ter pasado por momentos moi duros, apostaba pola esperanza. Gustáballe pasear amodo, cociñar, a música, os cans e as flores. Amaba "a beleza da paisaxe, da vida, das persoas e das palabras".







Alicia Pardo Pumar, Andrea Villaverde Puente e Silvia Vilas González