Muiño das covas

Muiño das Covas,Salceda de Caselas,Pontevedra
Cargado por torrentegalego. -
Documento recollido por Telmo Fernández en Salceda de Caselas, provincia de Pontevedra

Visitamos a Comarca do Barbanza

Visita á COMARCA DO BARBANZA cos alumnos de 2º de Bacharelato, o día 12 de novembro.
A visita comezou en Noia (cemiterio e igrexa), logo Porto do Son, para ver a Atalaia; seguiu co castro de Baroña e o dolme de Axeitos. Despois foron ata o faro de Corrubedo para continuar cara a Ribeira, onde disfrutaron das vistas de A Curota. Rematou a viaxe en Rianxo para lembrar aos escritores desta localidade, que ademais son materia de estudo en 2º de Bacharelato.

Imos ao teatro

O alumnado de 3º de ESO asistiu á representación teatral " VOLPONE" interpretada pola compañía TALÍA TEATRO. A obra trataba o tema da corrupción. Retrata satiricamente a nobres e non tan nobres señores, que teñen como principal interese reunir fortunas sen importar o ridículo que teñan que facer nin o custo que outros teñan que pagar.

Un mundo de linguas

Un mundo de linguas

View more presentations from torrentegalego.

O Galego tamén noutros mundos

EXPOSICIÓN "O GALEGO TAMÉN NOUTROS MUNDOS" NO IES. G. TORRENTE BALLESTER
Esta exposición, desde un punto de vista tanto sincrónico como diacrónico, repasa diversas realidades que exemplifican e evidencian a presenza e relación internacional da nosa lingua e, ao tempo, a súa validez, utilidade e dinamismo como ferramenta de comunicación e como marca de calidade, ligada a unha realidade propia e diferenciada - a galega- que se quere manter como tal no mundo globalizado.
Estamos no mundo en galego "somos" en galego, resultamos interesantes e temos cousas que achegar aos demais xustamente porque temos lingua e cultura de noso.
A exposición " O GALEGO TAMÉN NOUTROS MUNDOS" quere transmitir xustamente a idea de modernidade, vitalidade, cosmopolitismo e universalidade da nosa lingua.
OBXECTIVOS:
Presenta o galego na súa dimensión histórica como lingua culta, normalizada no contexto do reino de Galicia e que foi ferramenta de creación poética literaria da súa época. Demostra a validez do galego para chegar ao coñecemento universal a través de traducións, da Rede, do mundo académico, etc. TRansmite a utilidade do galego no contexto internacional, reforzada pola súa proximidade ao portugués. Difunde entre a poboación galega o interese que esperta a nosa lingua e cultura entre estudosos e estudantes doutros países, a través das súas propias voces e reflexións.

Visitamos a ILLA DAS ESCULTURAS

Visitando "A illa das esculturas" on PhotoPeach



OBRADOIRO: " A NATUREZA É ARTE NA ILLA"
Os alumnos de 1º de ESO fixeron un pequeno percorrido polo contorno da illa das esculturas da Xunqueira, para achegarse aos seus valores naturais e artísticos.
Dous monitores realizaron explicacións sobre a arte, a fauna e a flora que se pode observar na illa. Despois o alumnado participou no xogo " a illa do tesouro" onde tiña que superar un conxunto de probas e pistas empregando o enxeño, o sentido común e resolvendo as claves presentadas durante o percorrido. Empregáronse elementos característicos da iconografía pirata como cofres e mapas.

Polo San Martiño trompos ao camiño

Bailando a Buxaina on PhotoPeachO xoves, 11 de novembro de 2010 o alumnado e o profesorado do IES TORRENTE BALLESTER dedicou o recreo a facer bailar os trompos.
Os xogos tradicionais son actividades lúdicas que forman parte do Patrimonio dos pobos e que enriquecen persoal e culturalmente a cada comunidade ademais de seren integradores e saudables.
O peón xógase tradicionalmente no outono como así o demostra a fraseoloxía galega:
POLO SAN MARTIÑO PEÓNS AO CAMIÑO
POLA SANTA OLAIA PEÓNS Á BORRALLA
POLO SAN ANTÓN PEÓNS AO CAIXÓN

O Outono

Open publication - Free publishing - More refrans

Os alumnos de EDLG no programa de Onda Cero

Os alumnos do EDLG participaron no programa de ONDA CERO "As cousas polo seu nome" que se emitirá a semana que vén.
Os rapaces/as contaron contos, frases feitas, adiviñas, cancións, oracións e incluso nos ensinaron como quitar o mal de ollo. Previamente recolleran en gravacións toda esta riqueza oral.