PARTICIPACIÓN NO CLUB DE DEBATE

Aínda que o noso alumnado non quedou en moi boa posición, esta actividade serviulles para desenvolver as destrezas orais da lingua en distintos contextos e tamén para fomentar o debate e consolidar foros de discusión sobre temas de actualidade e de interese social, sobre todo relacionados con Pontevedra

O alumnado de 1º de ESO visitou diferentes medios de comunicación: Diario de Pontevedra, Onda Cero e Pontevedra Viva, co obxectivo de achegalos a un xornalismo cercano e reflexionar sobre o uso da lingua galega neste ámbito. Ademais, en Pontevedra Viva, o alumnado tivo ocasión de elaborar unha noticia.

2º PREMIO CONCURSO CARTAS DE AMOR

Querida avoa:

Xa van sete anos dende que xa non estás, pero pese a iso, nunca me vou esquecer de ti. O día que te perdín, todo era gris, escuro e sen sentido; a túa morte marcou a miña vida.

Esta carta dedícocha para agradecerche tantas cousas, que unha simple folla en branco non chega para expresar todos os meus sentimentos cara a ti.

En primeiro lugar, darche as grazas por ter estado aí nos bos e malos tramos da miña vida, por axudarme a superar tantos obstáculos e ensinarme que nesta vida, se non loitas polo que queres, non consegues nada.

En segundo lugar, agradézoche que me axudaras a ser a persoa que hoxe en día son, cos obxectivos claros na vida e cunha personalidade propia.

Por último, grazas por seguir coidándome dende onde esteas e seguir apoiándome. 

Sempre fuches, es e serás a mellor avoa que unha neta poderá ter.

Ata sempre!

 1º PREMIO CONCURSO CARTAS DE AMOR

CHARLA para 1º de Bacharelato impartida por A Mesa:" Galicia e as relacións cos países de lingua portuguesa: explicación das dimensións do sistema lingüístico galego-portugués, posibilidades que abre en diferentes ámbitos e que é o que podemos facer para aproveitalas". O título xa é suficientemente explicativo e, de novo, pretendeuse incidir nas vantaxes de usar a nosa lingua.

ESCOLAS NAS ONDAS

Neste obradoiro o alumnado de 4º ESO aprendeu a elaborar, gravar e difundir un programa de radio en formato podcasts, co obxectivo de, dun xeito lúdico, traballar a expresión oral e a creactividade do alumnado e incentivar a creación de radios dixitais on line e canles de podcasts.

OPS

AGAL impartiu este obradoiro, para o alumnado de 3º ESO,  co obxectivo de que vexan o galego como unha entrada privilexiada para acceder ao portugués e que , polo tanto, se dean conta de que falar galego ofrece unha clara vantaxe competitiva, a que permite comunicarse co mundo da lusofonía. Dunha forma clara e amena púxose en valor a lingua galega facendo ver a súa potencialidade e contrarrestando os prexuízos

Programa radio

En Galicia en Galego

REFLEXIONAMOS SOBRE A NOSA LINGUA

ROTEIRO CASTELAO

Nin a chuvia puido impedir que o noso alumnado de 4º de ESO percorrera algunhas das rúas que configuran a cidade de Pontevedra de principios do séc. XX, así como algúns lugares que vinculan a Boa Vila co autor de Sempre en Galiza (o edificio do antigo Café Moderno, a sala Castelao do Museo de Pontevedra...)

VÍDEO SOBRE OS PREXUÍZOS

GALEGUIZANDO O INSTITUTO

CONVOCATORIA DO CONCURSO DE VÍDEOS

Concurso de vídeos publicitarios

O Equipo de Dinamización Lingüística do IES Torrente Ballester, con fin de promover o uso da lingua galega, convoca un concurso de vídeos, cuxas características se explican a continuación:

Tema

Os vídeos terán como obxectivo promover o uso do idioma galego, sobre todo entre a mocidade; combater os prexuízos sobre esta lingua; favorecer actitudes positivas cara a ela; etc.

Duración

Os vídeos terán unha duración máxima de cinco minutos, polo que quedarán excluídos todos aqueles que superen o dito tempo.

En todo caso, poden durar menos dese tempo sen que iso inflúa na puntuación final do traballo.

Prazo de entrega

Os participantes poderán entregar os traballos a partir do 9 de xaneiro e ata o 31 dese mesmo mes.

Quedarán descualificados os traballos entregados con data posterior.

Lugar e forma de entrega

Os traballos deberán entregarse na conserxería nun CD/DVD que irá metido nun sobre, no interior do cal figurarán tamén os datos dos participantes (nome e apelidos e curso)

Características

Excluiranse aqueles vídeos que sexan ofensivos, sexistas ou discriminatorios dalgún xeito.

Valorarase a orixinalidade, a creatividade, a ironía, a claridade da mensaxe e calidade da imaxe e do son.

Poderán levar asociadas cancións ou música para acompañar a mensaxe que se queira transmitir, sempre que estes efectos sonoros estean motivados dalgún xeito.

Todas as persoas participantes ao entregar o traballo comprométense, e polo tanto autorizan, a permitir que o Equipo de Dinamización Lingüística publique os vídeos no seu blog.

Destinatarios

Poderá participar todo o alumnado deste centro educativo, independentemente da idade e do nivel académico que estea a cursar.

Premios

Con fin de animar á participación e de valorar o esforzo, a creatividade e a dedicación das persoas participantes establécense varios premios de diversa contía:

• Primeiro premio: 75 €
• Segundo premio: 50 €
• Accésit: 25 €

Os premios recibiranse en forma dun vale co que os gañadores ou gañadoras poderán comprar nos comercios de Pontevedra material diverso como roupa, material escolar, etc.

DESENGAIOLANDO A MANUEL MARÍA

O alumnado de 1º ESO, o día 22 de novembro, participou na actividade, impartida por ETNOGA, "Desengaiolando a Manuel María", unha xincana literaria para ampliar os coñecementos sobre o autor chairego.

SAÍDA AO TEATRO