QUE O APALPADOR CHE DEIXE MOITOS AGASALLOS!!!!!

Moito antes de que o Papá Noel ou Santa Claus chegara dende outras latitudes, en Galiza tamén había unha figura mítica propia do Nadal

O APALPADOR ou APALPA BARRIGAS

Rescatado do esquecemento polo investigador José André López González, este ser fantástico é un vello xigante, de oficio carboeiro, que vive nas devesas das altas montañas Do Caurel e Do Cebreiro .
Na noite de Nadal baixaba ás aldeas para achegarse aos nenos e ás nenas que durmían. Coidadosamente, palpáballes as barrigas para ver se os pícaros estaban ben alimentados. Logo de desexarlles que no próximo ano non pasasen máis fame, marchaba deixándolles unha boa chea de castañas quentes.

Nesta cantiga, da tradición oral fálase deste entrañable personaxe

Vaite logo meu ninín,
marcha agora prá camiña
que vai vir o Apalpador

a palparche a barriguiña

E por que non lle pedimos este ano os agasallos ao APALPADOR?????